Breaking news: Rev. Manirakiza Vital na Rev Dr Mugiraneza Emmanuel nibo bakandida babiri bazatorwamo Musenyeri mushya wa EAR Shyira

Iyi ni inkuru igaragara ku rukuta rwa X rw’umunyamakuru Didace Niyifasha akaba n’umuyoboke ukomeye w’iri torero. Iyi nkuru  yemeza ko inama ya sinode  ya Diyoseze Anglikani ya Shyira iherutse guterana  ariyo yahisemo aba bakandida bazatorwamo Musenyeri mushya uzasimbura Bishop Sam Mugisha ubu urimo urangiza igihano mu igororero rya Musanze kubera icyaha yahamijwe n’ubutabera cyo kukunyereza no gukoresha nabi umutungo w’itorero rya Diyoseze Anglikani ya Shyira yari abereye umushumba.

Abandi bari biyamamaje ni  Ven. Ngabo Gahungu Augustin na Ven. Sehorana Joseph  nk’uko bikomeza  byemezwa ku rukuta rwa X rw’umunyamakuru Didace.

Rev Manirakia Vital ni pasteur wahoze ayobora Kaminuza ya MIPC y’itorero EAR iherereye mu mujyi wa Musanze, ubu akaba ari gukorera impamyabushobozi y’ikirenga mur Leta Zunze ubumwe z’Amerika.

Rev nawe we  ni umupasteri ukorera umurimo w’ubushumba muri Diyoseze Anglikani ya Byumba akaba n’umwarimu w’inyigisho za Tewolojiya muri Kigali Anglican Theological College akaba n’umunyamuryango GPENreformation Amabassadors, umuryango uhuza abashakashatsi n’abarezi ku isi mu bijyanye n’uburezi n’iyobokamana.

Umwanditsi: Musengimana Emmanuel