INES-Ruhengeri: Inkuru y’umunyamakuru Jean Claude Ndayambaje wa Mama U rwagasabo, itumye ba banyamahanga bigize indakoreka bafatirwa ibyemezo bikomeye

Nubwo ingorane mu kazi k’itangazamakuru zidasiba kurushaho kwiyongera, benshi muri banyamakuru  bakaba bakora akazi k’ubukorerabushake nta gihembo bategereje,  ahubwo basabwa gushora ayabo  kugira ngo ibinyamakuru byabo bikomeze bibeho, abanyamakuru mu Ntara y’amajyaruguru bakomeje gutanga umusanzu ukomeye mu gushakira umuti ibibazo byugarije abatuye iyi ntara.

Urugero ni urw’umunyamakuru Jean Claude Ndayambaje wa Mma U rwagasabo, uherutse gukora inkuru itabariza abaturanyi b’ishuri rya Ines-Ruhengeri kubera urugomo bakomeje gukorerwa n’abanyeshuri bakomoka mu bihugu byo hanze biga muri iri shuri.

Ni inkuru yakoranye ubuhanga bwo mu rwego rwo hejuru, kuko nk’uko yabitangarije mugenzi we  wo muri Virunga Today, kuri uyu wagatandatu  taliki ya 06/06/2026 ahagana mu  saa munane n’igice z’ijoro  mu gisa no gushyira ubuzima bwe mu kaga, yafashe icyemezo cyo kujya gukurikirana urugomo rw’aba banyeshuri yari amaze gutabarizwa  maze ashobora gufata amafoto yifashishe muri iyi nkuru, amafoto yivugiye ku bijyanye n’uburemere bw’iki kibazo.

Iyi nkuru ikomeje Kubica bigacika yaje gukurikirwa n’igikorwa cy’inzego z’umuetakano cyo guhigira hasi kubura hejuru abagize uruhare muri ibi bikorwa, benshi mubaganiriye na Virunga Today bakaba barashimye uyu munyamakuru kubera iyi nku ye yatanze  impuruza ku nzego zishinzwe umutekano  kuko nk’uko bakomeje babyemeza ,  iyo bitaba ibyo, magingo aya ntakiba cyagahindutse.

Abanyeshuri bo muri Kaminuza mu mipanga, amabuye n’amacumu bahohotera abahisi n’abagenzi

Jean Claude atangira inkuru agaragaza imiterere y’iki kibazo muri aya magambo: ‘’ Ni abaturage batuye mu karere ka Musanze, by’umwihariko abakora akazi ko gutwara abantu n’ibintu kuri moto bavuga ko bahangayikishijwe n’abanyeshuri b’abanyamahanga biga muri kaminuza ya Ines Ruhengeri. Aba banyeshuri ngo bakomeje kubahondagura, ni nyuma yahoo nyuma mu ijoro ryo kuwa 06/06/2026 aba banyeshuri biraye mu bamotari ahazwi nko kuri Kalisimbi bagatangira kubirukankana babavuza amabuye ndetse bitwaje n’ imihoro.’’

Umwe mu baturage akomoza ku byabaye yabwiye umunyamakuru ati: ‘’ Hari inzu bamenaguye urebye n’abantu bose birutse, abamotari bari bagiye kubagonga babirutseho n’imodoka bari bafite n’imihoro rwose.’’

Uyu yongeyeho ko ikibazo aho gikomereye ari uko muri ubu bushamirane bazanamo n’icyenewabo. Yagize :’’ Iyo ugize gato ugashamirana n’umwe muri bene wabo, bahitaga baza ari iporoto, ubwo rero ugahita ufata umwanzuro wo kwiruka kuko abantu nkabo ntiwabarwanya.”

Muri iyi nkuru kandi  uyu munyamakuru kandi agaragaza amashusho itsinda ry’abantu (byumviakane ako ari abo banyeshuri) biruka batera amabuye  rwagati mu muhanda  no mu mpande  zawe. Aya mashusho akomeza agaragaza umuntu utemberana umupanga mu muhanda ubona ko yiteguye kuba yawukoresha igihe icyo ari cyose.

Igihe kirageze ngo bafatirwe ibihano bikomeye bibakwiriye

Bamwe mubabonye amashusho yo muri iriya nkuru ya Jean Claude  babwiye umunyamakuru wa Virunga Today ko habayeho kurwazarwaza aba banyamahanga igihe kirekire ko  ariko aho bigeze ubu bagakwiye gufatirwa  ibihano.

Umwe muri bo yagize ati:’’ Aba banyamahanga kuva hambere hafi imyaka 5 yarashize,  bakomeje kudutesha umutwe, bakadutoborera amazu byose bakiba, nibo batera kaci bakambura abantu amatelephone, mu maduka baragenda bagafata ibicuruzwa, wabishyuza bakakurwanya, ubwo byageze naho bitwaza imipanga rero kandi uzi igisobanuro cy’umupanga muri iki gihugu, ibi ntabwo ari ibyo kwihanganirwa, nihakurikizwe amategeko igihugu  kigenderaho bafatirwe ibihano bijyanye n’ibyaha nk’ibi baba bakoze byo guhohotera abaturage bacu, kuko kugeza ubu tubona inzego zibishinzwe zarabajenjekeye, baravuna  umuheha bakongezwa undi.’’

Undi muturage we utuye mu gace ka Yaounde yabwiye Virunga Today ko atazibagirwa ibibazo aba banyamahanga bamuteye ubwo yabahaga inzu ye ngo bayikodeshe, bakayangiza bikomeye bakanga no kuyivamo.

Yagize ati:’’ Ni njye uzi ibibazo bya bariya banyamahanga biga muri Ines, nagiranye amasezerano n’abagera kuri babiri, hadaciye kabiri nsanga bagera ku icumi kandi bavanze abahungu n’abakobwa, ibyo ntacyo byari bintwaye ariko bageze aho batangira kunyishyura nabi, mu biruhuko bakigira iwabo, ngahitamo gushaka abazamu bo kurinda ibintu byabo, bagaruka ntibanyishyure n’urupfusha ari nako ijeinzu bakomeza kuyangiza, amaserire, installation z’amashanyarazi, byose barangije, nagize amahirwe mbifashijwemo n’inzego z’umutekano nshobora gusubirana inzu yanjye, siankongera gutinyuka kubaha inzu’’.

Abagize uruhare mu rugomo rwa Kalisimbi boherejwe iwabo

Nk’uko amakuru agera kuri Virunga Today abyemeza, nyuma gato y’urugomo rwabereye kuri centre ya Kalisimbi, inzego z’umutekano zatangiye guhiga bukware abakekwa kuba baragize uruhare muri kiriya gikorwa cy’urugomo. Rugikubita nk’uko byemezwa mu nkuru ya Jean Claude ngo abagera kuri 9 bakaba barahise batabwa muri yombi.

Ku munsi wo kuri uyu wa kabiri taliki ya 09/06/2026, iki gikorwa cyarakomeje, kuko umunyamakuru wa Virunga Today yiboneye imodoka y’akarere ka Musanze ari hamwe n’imodoka za police ( bita panda gare) bagenda ku nzu ku yindi muzisanzwe zicumbitsemo aba banyamahanga, bikaba byaremejwe ko umubare utari muto waba banyamahanga wafatiwe muri uyu mukwabu, bagahita burizwa indege basubizwa mu bihugu bavukamo byiganjemo Sudani na Sudani y’amajyepfo.

Ni igikorwa cyishimiwe n’abaturage batuye muri turiya duce, bari baje kugikurikiranira hafi. Umwe muribo yagaragaje ibyishimo bye muri aya magambo: ‘’ Ntureba, nibabohereze iwabo, yenda abantu bagira agahenge, nta muntu wari ugitinyuka kunyura muri ziriya nzira za Kalisimbi mu masaha ya nimugoroba, buriya abasigaye nibabona ibibaye kuri bene wabo, ntabwo bongera gutinyuka kudusagarira.’‘

Tubabwire ko kuri ubu muri Ines-Ruhengeri habarurirwa abanyeshuri b’abanyamahanga barenga igihumbi, bakomoka mu bihigu bigera kuri 21, benshi muri bo bakaba bakomoka mu bihugu bya Sudani na Sudani y’epfo, aba bakaba ari nabo bakomeje kuba ikigeragezo kuri iyi  Kaminuza yashyize imbere mu myigishirize yayo, indangaciro za Killiziya Gatolika dore ko icungwa na Diyoseze Gatolika ya Ruhengeri.

Bamwe mu nyeshuri b’abanyamahanga bakomeje kuba ikigeragezo kuri Kaminuza ya Diyoseze Gatolika ya Ruhengeri

Inkuru ya Jean Claude Ndayambaje